المقاومه (resistanc

-نقدر نقول ان المقاومه معناها مشتق من اسمها يعني الممانعه
والعنصر ده ليه طرفين طرف بيمثل الجهد الداخل وطرف بيمثل الجهد الخارج
العنصر ده مهمته انه بيمرر الفولت (وهو وحده قياس التيار الثابت) او الجهد بمقدار معين ومن نقطه الي نقطه، بمعني لو في نقطه في البورده بتحتاج فولت معين وانا معايا نقطه فيها فولت اعلي بكون محتاج مقاومه تخفض الفولت ده من القيمه المتاحه الي القيمه المطلوبه
وحدة قياس المقاومه هو الاوم ، وبالنسبه للموبايلات الموضوع مش معقد زي باقي الاجهزه الالكترونيه لان معظم المقاومات بتكون صفريه ومن هنا نقول ان المقاومات في منها ثلاثة انواع (فيوز-صفريه-ذات قيمه) النوع الاول هنشرحه لوحده، اما النوع الثاني عباره عن ممر ليس الا يعني الجهد زي ما بيدخل زي ما بيخرج لايزيد ولا يقل والنوع ده نقدر نستغني عنه بأنه يتقفل (شورت او قصر) يعني نقفل النقطتين مع بعض، والنوع الثالث بيكون ليه قيمه بالاوم عشان يأثر علي الجهد الداخل ويخرجه زي ما الدايره محتاجه وده مش دايما نقدر نستغني عنه لان المقاومه لما تكون قيمتها كبيره لازم تكون موجوده او تستبدل بنفس القيمه انما لو قيمتها صغيره نقدر نعوضها وفي كل الاحوال لازم نعرف ان العناصر ديه ليها مهام مش مجرد عدد